Senin, 17 Februari 2020

ADAT DAN BUDAYA

MENGENAL ADAT DAN BUDAYA MINANGKABAU

PADUSI/WANITA  MINANGKABAU

Sungguh indah sibuah pinang...
Tumbuh ditaman dan   berbuah lebat...
Saya bangga jadi wanita minang...
Hidupnya mulia dan bermartabat...

Itulah gambaran saya tentang wanita minang,karna wanita minang dimuliakan oleh agama dan adat budayanya.

Mari sedikit kita kupas tentang padusi/wanita minang,dengan nasehat yang sangat berguna,yang kini kita rasakan sudah sedikit memudar akibat arus globalisasi dijaman milenial ini.

Padusi di ranah Minangkabau juga disebut perempuan yang berasal dari kalimat Fik ampu jari, yang berarti "ibu" artinya padusi adalah  ibu dari anak2 nya  dalam rumah tangga.

Untaian kata/nasehat untuk padusi Minangkabau.
 
Jati diri padusi, bak bungo dalam jambangan, limpapeh rumah nan gadang, sumarak kampuang jo halaman, pauni anjuang nan tinggi, kakunci nan arek, kapuwo nan taguah, kaganti mande isuak. Auih tampek mintak aia, litak tampek mamintak nasi.
 
Parampuan atau rang padusi di ranah Minang harus tau jo nan ampek. 

Partamo, padusi rancak dilabuah, 

Kaduo, padusi kutu dapua, 

Katigo padusi bungo cirik ayam, 

Kaampek padusi bungo mawar.
 
Sifaik nan ka dipakai padusi di ranah Minang adolah padusi bungo mawar.
Bak bungo dalam jambangan, muluik manih kucindan murah, awak elok baso katuju. Tau jo hukum tigo parakaro yaitu, 

Hukum tata Negara, Hukum agamo sarato Hukum adaik, bak tungku tigo sajarangan.
 
Latak caro bapakaian, bagaua jo laki-laki, hiduik sapantun pisang masak.
Walau ka jadi dokter, guru, jadi kabanggaan urang tuo. 
Dijalehkan Bundo Kanduang ko, padusi adolah pauni anjuang nan tinggi sasuai hukum adat matriakat atau garih katurunan diambaik dari ibu atau rang padusi.
 
Didiri rang padusi nan musti dikunci arek puro taguah, ado nan patuik dirahasiokan sarato ado pulo nan indak patuik. 

Jalan duo nan kaditampuah, partamo sihaik, kaduo sakik. 

Sudaro kanduang adolah ciek ayah ciek ibu, kaduo sudaro kanduang ameh dipinggang.“rang padusi wajib mamaliharo sudaronyo nan laki-laki atau mamaknyo.

Kalau diliek jo mato batin, suntiang di kapalo gadih Minang, tasirek makna nan dalam, bak bidaran adat alam Minangkabau ,
Rami nagari rang Tilatang...
raminyo dihari kamih..
rami dek anak tigo kampuang... 
Dari putiak bungo ka kambang...
Kambang manjadi anak gadih...
Gadih ka jadi Bundo kanduang...
 
Jadi, sabalun mamasuki rumah tanggo pakawinan, samaso hiduik manjadi anak gadih. Anak gadih di ranah Minang musti, hiduik sapantun bungo mawar. 
Awak rancak batang baduri, harumnyo sakuliliang kampuang Muluik manih kucindan murah..
Awak elok baso katuju, tahu jo malu dengan sopan, tahu jo adat basandi syarak, syarak basandi kitabbullah....
 
“Saumpamo anak gadih dipuji dek anak laki-laki, sakali kali jan bakato kasa. Saumpamo si laki laki batanyo “ondeh rancaknyo adiak ko lai,”. Suko tak suko ka laki laki tu, jawablah jo lamah lambuik,” Alhamdulillah pambarian Allah,”

Kalau dikasari akan timbua berang jo bangih di hatinyo,” Tak kayu janjang den kapiang, tak ameh bungka den asah, tak lalu dandang dek aia, digurun den tanjakan, Disiko talatak lauik sati rantau batuah, urang didunia banyak nan kiramaik.

Salain tu, rang padusi sapantun pisang masak, kalau diliek di tampek tampek rang baralek, urang suko makan pisang kuliknyo nan utuh.

Kasimpulanyo, gadih Minang pakailah jilbab atau karuduang, ijan amuah dijamah dek laki laki. Pisang cukuik talinyo sajo dijinjiang, jan dipacik pisangnyo.

Baitu juo rang padusi hiduik bak mantimun, aratinyo rang padusi ijan talalu dakek jo laki laki. Sabab cando papatah Minang, “masak padi ditangah ladang, batuai ditangah hari, baranti wakatu luhua.

Bapacaran tak kan dilarang, kalau dijamah dek laki laki, katokan kito alun ba ijab qabua. Sicerek rambahlah paku, nak tarang jalan ka parak. Adat budaya urang usah ditiru, beko rusak adaik nan basandi syarak.
 
Di wakatu manjadi anak gadih, baraja manyulam jo manjahik sarato batanun manarawang, barajo sagalo katarampilan rang padusi, masak ka mamasak jo marangkai bungo.

Saandainyo nantik barumah tanggo, bisa digunokan, bak hiduik aua jo tabiang, nan hiduik sanda manyanda. “barajalah mamasak jo manggulai, sabab nan paliang bahagia dek rang padusi, apobilo masakanyo dipuji dek suaminyo.

Sasudah manjadi bundo kanduang, suami itu adolah junjuangan atau pimpinan di rumah tanggo. 

Nak bahagia rumah tanggo, tinggakan tigo parakaro larang pantangan, 

Partamo, bagunjiang. Kalau padusi suko bagunjiang mambukak aib rumah tanggo kapado urang lain, didalam agamo dilarang bana, didalam adat bapantang pulo, ibaraik manapuak aia di dulang nan basah muko kito juo. 

Kaduo, Batandang, maliek urang nan kayo timbualah kandak nan indak indak ingin mamiliki, sahinggo suami manampuah jalan nan indak diredhoi Allah. Di dalam adaik, itu indak maukua bayang bayang sapanjang badan. 

Nan katigo, Maupek, apo nan dibari dek suami, saumpamo dapek suami supir angkot, hari kini dapek rasaki limo puluh ribu. Bisuaknyo dek oto rusak, di agiah rasaki sapuluh ribu. Jawablah jo Alhamdulillah. Kalau diupek, ba arati kito maupek katantuan Allah.
 
Dalam barumah tanggo, kunci arek puro nan taguah atau bahemat. 
Jalan nan duo nan ka ditampuah, 
Partamo sehat kaduo sakik. Simpanan bisa dipagunokan, jan iduik bak aia di pincuran, sado nan tibo habih juo.
 
Sasudah mandapek katurunan, indak buliah mamuji anak dapek talua nan sabuah, sasudah anak gadang jadi pancilok, parampok atau manampuah jalan nan tak diredhoi Allah.

Tangan suok mamacik ubek, nan kida mamacik racun. Saumpamo ado urang nan mangadukan nasibnyo, jawablah jo kasabaran, Hiduik nangko bak cando roda, sakali diateh, sakali dibawah. Ijan sakali kali mamfitnah, maadu domba, mahasuik jo sabagainyo supayo rumah tanggo kito salamaik....

Semoga padusi Minangkabau selalu jadi panutan dan tauladan bagi urang banyak.

Sumber : Satu Pena

ditulis kembali oleh Herlina Hasan Basri

*Aku Bangga Menjadi Anak Minangkabau"

Tidak ada komentar:

Posting Komentar